మిత్రుల బయోగ్రఫీలు

హృదయ పూర్వకంగా మొదలు పెడితే

ఎవరయినా ఏ కార్యక్రమాన్ని అయినా, ఏ విషయాన్ని అయినా, ఏ పనినైనా తాను హృదయ పూర్వకంగా మొదలు పెడితే తనలోని శక్తి యుక్తులు, ఆలోచనలు మరింత ఉత్తేజితమై తాను చేయాలనుకున్న పనులకు ఎటువంటి ఆటంకాలు లేకుండా ముందుకు నడిపిస్తుంటాయి అనడానికి ప్రత్యక్ష సాక్షి మన బాల్య మిత్రులు శ్రీ కరేటి సాయి కృష్ణ.

సామాన్య కుటుంబంలో పుట్టి

కర్నూలు లో పుట్టి గుంటూరు లో స్థిర నివాస మేర్పరచుకున్న బాల్య మిత్రులు శ్రీ కరేటి సాయి కృష్ణ ఓ సామాన్య కుటుంబంలో పుట్టి తాను చిన్న తనంలో అనుభవించిన విపత్కర పరిస్థితులు నేడు మరొకరు అనుభవించ కూడదు అనే తలంపుతో తన డబ్బును కొంత సమాజ సేవలకు వినియోగిస్తున్నారు.

అనేక అవార్డులు రివార్డులు

1982 సంవత్సరం లో ఆంధ్ర ప్రదేశ్ రాష్ట్ర ప్రభుత్వ ప్రోహిబిషన్ ఎక్సైజ్ డిపార్ట్ మెంట్ లో ఉద్యోగంలో చేరి అనేక అవార్డులు రివార్డుల తో ఎక్సైజ్ సబ్ ఇన్స్పెక్టర్ గా 2014 సంవత్సరంలో పదవీ విరమణ చేసి తన విశ్రాంత జీవితాన్ని సమాజ సేవలకు వినియోగిస్తున్నారు.

తల్లి దండ్రులు

శ్రీమతి నాగ రత్నమ్మ గారు శ్రీ కరేటి అంజయ్య గారు

కుటుంబం

సహచారిణి శ్రీమతి ఉమా దేవి గారు, ఇద్దరు పిల్లలు కుమారుడు వెంకట్ లక్ష్మణ్ B.Sc., చేశారు. కుమార్తె కుమారి నాగ అంజనీ అభిరామి ఇంటర్మీడియట్ మొదటి సంవత్సరం చదువుతున్నారు.

విద్యాభ్యాసం

శ్రీ సాయి కృష్ణ నాన్న శ్రీ అంజయ్య గారు ప్రభుత్వ ఉద్యోగి కావడంతో వారి బదిలీల ననుసరించి, శ్రీ సాయి కృష్ణ చదువులు వివిధ ఊళ్ళలో సాగినవి. ప్రాధమిక విద్య రేపల్లె లోనూ, నాల్గవ తరగతి నుండి ఎనిమిదవ తరగతి వరకు సత్తెనపల్లి లోనూ, తొమ్మిది, పది తరగతులు నరసరావుపేట మున్సిపల్ హైస్కూల్ లోనూ, ఇంటర్మీడియట్ మరియు గ్రాడ్యుయేషన్ డిగ్రీ కోర్సులు నరసరావుపేట శ్రీ సుబ్బరాయ అండ్ నారాయణ కాలేజ్ లలో సాగినవి.

సమావేశాలకు తన వంతు కృషి

శ్రీ కరేటి సాయి కృష్ణ ప్రతి సంవత్సరం తనతో చదివిన బాల్య మిత్రులను ఒక వేదికపై సమావేశ పరచి సన్నిహితంగా, చిన్న నాటి స్మ్రుతులను, జ్ఞాపకాలను నెమరు వేసుకోవడానికి, మాట్లాడుకోవడానికి తన వంతు కృషి చేస్తున్నారు.

ముందుండి నడిపించడం

అదే స్పూర్తి తో ప్రతి సంవత్సరం మార్చి నెల లో తన తోటి సహ ఉద్యోగులు మూడు వందల మందిని ఒక వేదికపై సమావేశ పరచి, ప్రభుత్వం నుండి తాము పొందవలసిన రాయితీల, హక్కుల బాగోగులతో ఉద్యోగ విషయాలకు సంబంధించి మాట్లాడుకున్న చర్చలను, అధిష్టానానికి, ఉన్నతాధికారులకు తెలియజేయడానికి శ్రీ కరేటి సాయి కృష్ణ తనే ముందుండి నడిపిస్తున్నారు.

సమాజ సేవలకు

అనాథలకు ప్రతినెలా ప్రొవిజన్స్ ఇస్తున్నారు. చలి కాలం లో ఉచితంగా దుప్పట్లు పంపిణీ చేస్తున్నారు. బీద కుటుంబాలలో చనిపోయిన వారి కర్మకాండలకు కొంత డబ్బు సహాయం చేస్తున్నారు. తుపాన్, వరదలు వంటి మహమ్మారి సమయాలలో బీదలకు ఆహార పొట్లాలు పంపిణీ చేయడం, ప్రతి సంవత్సరం ఇద్దరు పదవతరగతి విద్యార్థులకు పుస్తకాలు మరియు పిజులు విరాళాలు ఇస్తూ, తన విశ్రాంత జీవితాన్ని సమాజ సేవలకు వినియోగిస్తున్న శ్రీ కరేటి సాయి కృష్ణ అభినందనీయులు

బయోగ్రఫీ వివరాల కొరకు ఈ క్రింది మిత్రుల ముఖ చిత్రాల బానర్స్ పై క్లిక్ చేసి, సంబదిత బయోగ్రఫీ లను చదవ వలసినదిగా కోరుచున్నాను. బయోగ్రపీ సంబందించిన మాటర్ ను నేను వీడియో రూపంలో కూడా రికార్డ్ చేసి యూట్యూబ్ బండ్ల ఛానల్ లో అప్‍లోడ్ చేసిన వీడియోను ప్రతి బయోగ్రఫీ పేజీలో పబ్లిష్ చేస్తున్నాము. www.bandla.app పాఠకులకు బయోగ్రఫీలను చదవడానికి, వీక్షించటానికి లేదా వినడానికి ఏది సౌలభ్యంగా ఉంటే అది ఫాలో కావటానికి రికార్డ్ చేసిన బయోగ్రఫీ మాటర్ వీడియో ను ప్రతి బయోగ్రఫీ పేజీలో జత చేస్తున్నాము.