ఆహా మిత్రమా..... నేను బండ్ల సత్యనారాయణ
ఇంటి పేరు "బండ్ల", పూర్తి పేరు బండ్ల సత్యనారాయణ. ఆంధ్రప్రదేశ్ లోని గుంటూరు నివాసం. జన్మస్థలం పల్నాడు జిల్లా నరసరావుపేట. వృత్తి : రేడియోగ్రాఫర్, ప్రవృత్తి : పుట్టినరోజు శుభాకాంక్షలు చిత్రాల రూపకల్పన మరియు వెబ్ డిజైనింగ్ చేయడం వంటి ప్రాధమిక పరిజ్ఞానం విషయాల పై అవగాహన కొరకు గూగుల్ సెర్చ్ ఇంజన్ ద్వారా శోదించడం. విజయాలు వరిస్తున్నపుడు పొంగి పోకూడదు, అట్లానే వైఫల్యాలు ఎదురైనపుడు కుంగి పోకూడదు. ఏది జరిగినా అంతా మన మంచికే జరుగుతది అనుకొని, "ఫలితాన్ని ఆశించకుండా నీ పని నీవు చేసుకుంటూ పో శ్రీ కృష్ణ భగవానుడు భగవద్గీతలో శ్రీకృష్ణుడు చెప్పినట్లుగా విజయాలు వచ్చినప్పుడు పొంగిపోకూడదు… విఫలాలు వచ్చినప్పుడు కుంగిపోకూడదు…
నేను వృత్తిగా రేడియోగ్రాఫర్, కాని అభిరుచిగా, చిత్రాల రూపకల్పన, వెబ్ డిజైన్, గూగుల్ శోధనల ద్వారా కొత్త విషయాలు తెలుసుకోవడం, ఆధ్యాత్మికత, రచనా ప్రయాణం
ఇవన్నీ నా జీవితాన్ని మరింత అందంగా తీర్చిదిద్దిన రంగులు.
అంతర్జాల ప్రయాణం 2004లో నేను నిర్మించుకున్న నా మొదటి వెబ్సైట్ satyanarayana.com. అది నా డిజిటల్ ప్రయాణానికి పునాది. ఆసక్తి, అంకితభావం, నేర్చుకోవాలనే తపన ఇవే నాకు గురువులు. 2021లో Net4India మూతపడడంతో నా వెబ్సైట్ కూడా గల్లంతైంది. అది ఒక నష్టం కానీ, నా మనసు చెప్పింది “ఏది జరిగినా మన మంచికే.” భగవద్గీతలో శ్రీకృష్ణుడు చెప్పినట్లుగా ‘ఫలితాన్ని ఆశించకుండా నీ పని నీవు చేయి.’ ఈ నమ్మకం నన్ను ఆపలేదు. అదే నన్ను మళ్లీ ముందుకు నడిపింది.
అలా పుట్టింది bandla.app వెబ్ సైట్.
ఈ వెబ్సైట్లో ఉన్న ప్రతి పదం, ప్రతి చిత్రం, ప్రతి లింక్ అన్నీ నా అన్వేషణ, నా అధ్యయనం, నా శోధన, నా అనుభవాల సమాహారం.
ఈ వేదిక ద్వారా నా యూట్యూబ్ సృష్టులను ఒకచోట ఉంచడం, నా యూట్యూబ్ ఛానల్స్ మనోధ్వని, భక్తి భావనలు, బండ్ల టీవీ, వేమన శతకం, బండ్ల శతకం, ఇష్టగీతం లలో ఉన్న వీడియోలను ఒకే వేదికలో చూపించి పాఠకులకు, శోధకులకు, భావితరాలకు ఒక అందమైన సేకరణగా అందించాలని, నా బాల్య స్నేహితులు, ఫేస్బుక్ మిత్రుల జీవిత కథలను పంక్తులు చేయడం, నా మదిలో పుట్టే గోలలను మనోధ్వని బ్లాగులుగా మలచడం, యూట్యూబ్ ప్రారంభించదలచిన యువతకు మార్గదర్శక సమాచారాన్ని ఇవ్వడం, వెబ్సైట్ నిర్మించాలనుకునే కొత్తవారికి సహాయం చేయడం, ఇవి అన్నీ నా మనసులో చాలాకాలంగా ఉన్న ఆశయాలు. bandla.app ఆ ఆశయాలన్నింటికి నిలువెత్తు రూపం.
నేను సాధించిన విజయాలు పెద్దవేమీ కాదనిపించవచ్చు. కానీ నేను నేర్చుకున్న ప్రతి విషయమూ, నేను పంచుకోవాలనుకున్న ప్రతి అనుభవమూ, నా మనసులోంచి వచ్చిన ప్రతి అక్షరమూ, మీ అందరికోసం. అందుకే ఈ ప్రయాణం నాకు ప్రత్యేకమైంది.