మిత్రుల బయోగ్రఫీలు

శ్రీ చైతన్య ఎడ్యుకేషనల్ ఇన్స్టిట్యూషన్స్ హైదరాబాద్

శ్రీ చైతన్య ఎడ్యుకేషనల్ ఇన్స్టిట్యూషన్స్ హైదరాబాద్ లో నలుబది సంవత్సరాలు సర్వీస్ పూర్తి చేసి ఇంకనూ కొనసాగుతున్న అలుపెరుగని గురవర్యులు శ్రీ కనుపర్తి సురేంద్రనాధ్ విషయాలు ప్రతి ఒక్కరికీ స్పూర్తిదాయకంగా ఉంటాయి.

వివిధ మెడికల్ ప్రొఫెషనల్ కోర్సులు

శ్రీ కనుపర్తి సురేంద్రనాధ్ శిష్యులు వెయ్యికి పైగా డాక్టర్లు, పారామెడికల్ వంటి వివిధ మెడికల్ ప్రొఫెషనల్ కోర్సులు పూర్తిచేసి ప్రపంచ వ్యాప్తంగా వివిధ దేశాలలో ఉద్యోగాలు చేస్తున్నారు. కొందరు సొంత హాస్పిటల్స్ రన్ చేస్తున్నారు. మెడికల్ ప్రొఫెషనల్స్ గా తయారవడానికి వేలమందీకి విజ్ఞానాన్ని అందించిన శ్రీ కనుపర్తి సురేంద్రనాధ్ ధన్యులు. వారి శిష్యులందరి మదిలో శ్రీ కనుపర్తి సురేంద్రనాధ్ శిరస్థాయిగా నిలిచి పోతారు.

విద్యాభ్యాసం

విద్యా విషయాలకు వస్తే, పదవ తరగతి వరకు మున్సిపల్ హైస్కూల్, నరసరావుపేట ఇంటర్ మీడియట్ మరియు బి ఎస్ సి నరసరావుపేట శ్రీ సుబ్బరాయ అండ్ నారాయణ కళాశాల లో చదివారు. యం ఎస్ సి (జువాలజి) ఆంధ్ర యూనివర్శిటి వాల్తేరు లో చేశారు.

కుటుంబం

కుటుంబ విషయానికి వస్తే, వారి శ్రీమతి సౌత్ సెంట్రల్ రైల్వే లో ఓ ఉన్నతోద్యోగి గా ఇటీవల పదవీ విరమణ చేశారు. ఉన్నత చదువులు చదివి విదేశాలలో ఉద్యోగాలొచ్చినా మాతృ దేశం లోనే సెటిల్ అయిన ఇద్దరు మగపిల్లలు, గవర్నమెంట్ సర్వీస్ లో ఉన్న పెద్ద కోడలు, ప్రాధమిక విద్య నభ్యసిస్తున్న ఒక మనవడు.

సొంత అపార్ట్‍మెంట్

శ్రీ కనుపర్తి సురేంద్రనాధ్ మల్కజ్‍గిరి సికింద్రాబాద్ లో స్వంత అపార్ట్‍మెంట్ తో సెటిల్ అయినారు.

అయ్యప్ప స్వామి భక్తులు

శ్రీ కనుపర్తి సురేంద్రనాధ్ అయ్యప్ప స్వామి భక్తులు. గత ముప్పది సంవత్సరములనుండి మాలధారణ దీక్షతతో శబరిమలై అయ్యప్ప స్వామి దర్శనం చేసుకుంటున్నారు. వివిధ మత, సాంస్కృతిక సేవా రంగాలలో తనవంతు సహాయ సహకారాలు అందిస్తున్న మన శ్రీ కనుపర్తి సురేంద్రనాధ్ అభినందనీయులు.

మంచి శక్తి, బలం, ఆరోగ్యం

తగిన మంచి శక్తిని, బలాన్ని, ఆరోగ్యాన్ని ఆ దేవ దేవుడు శ్రీ కనుపర్తి సురేంద్రనాధ్ మరియు వారి కుటుంబ సభ్యులకు అందించాలని కోరుతున్నాను.

బయోగ్రఫీ వివరాల కొరకు ఈ క్రింది మిత్రుల ముఖ చిత్రాల బానర్స్ పై క్లిక్ చేసి, సంబదిత బయోగ్రఫీ లను చదవ వలసినదిగా కోరుచున్నాను. బయోగ్రపీ సంబందించిన మాటర్ ను నేను వీడియో రూపంలో కూడా రికార్డ్ చేసి యూట్యూబ్ బండ్ల ఛానల్ లో అప్‍లోడ్ చేసిన వీడియోను ప్రతి బయోగ్రఫీ పేజీలో పబ్లిష్ చేస్తున్నాము. www.bandla.app పాఠకులకు బయోగ్రఫీలను చదవడానికి, వీక్షించటానికి లేదా వినడానికి ఏది సౌలభ్యంగా ఉంటే అది ఫాలో కావటానికి రికార్డ్ చేసిన బయోగ్రఫీ మాటర్ వీడియో ను ప్రతి బయోగ్రఫీ పేజీలో జత చేస్తున్నాము.