పద్యము 31
ఆరాధనల మధ్య నడిచిన జీవిత గాథలు,
అక్కఅన్న, చెల్లి భార్య పిల్లల వెలుగులు,
బల బంధాలకి మరణముండని మర్మాలు,
యామినీ కమలి పద్మ వికాస సత్య బండ్ల!

భావము
అక్కఅన్న, చెల్లి భార్య పిల్లలు ఇంటిని అలంకరించిన జీవన శైలులు, ఇవన్నీ మిగిలే జ్ఞాపకాల కన్నా గొప్పవి. జీవితం తాత్కాలికమైనదైనా, బంధాలు శాశ్వతం కుటుంబ బంధాలకు శాశ్వతత ఉంటుంది. మరణం ఆపలేని అనుబంధాలు అని ఈ బండ్ల శతకం పద్య భావం .

పద్యము 32
పొదుపు పెంపుగా మారి క్రమతయే పునాదిగ,
గమ్యానికి చేరు విహిత పంథాలో నడిచే వారె
శూన్యమయ్యేది వ్యసనాల వలలో చిక్కే వారె
యామినీ కమలి పద్మ వికాస సత్య బండ్ల!

భావము
జీవితం ఆస్తితో కాక, ఆలోచనలతో నడవాలి. పొదుపుతో గడిపిన జీవితం మిగిలినవారికీ మార్గం చూపుతుంది. వ్యసనాల బాట నాశనానికి దారి తీస్తుంది క్రమశిక్షణతో ఆస్తులు పెరిగుతాయి. వ్యసనాల వల్ల అది కరిగిపోతుంది అని ఈ బండ్ల శతకం పద్య భావం .

పద్యము 33
ఒంటరిద్యానమే అంతరంగ శాంతి తెచ్చును,
సామూహిక ధ్యానమే సత్సంగ బలం నింపును,
రూపమే కాదు హృదయమునే ధ్యానమగ్గును,
యామినీ కమలి పద్మ వికాస సత్య బండ్ల!

భావము
వ్యక్తిగత ధ్యానం లోతుని ఇస్తుంది, సామూహిక ధ్యానం శక్తిని ఇస్తుంది. కానీ ధ్యానం యొక్క అసలు అర్థం రూపం కాదు, మనస్సును నిశ్చలపరచడం. ఎక్కడ చేసినా హృదయంలో శుద్ధత ఉంటే ధ్యానం పూర్తవుతుంది.

పద్యము 34
కానదు కాకూడదు జీవన సారం పోటిమాటె,
నిలుచును ప్రగతిమార్గమై మనిషి పథమె,
చివరకు విజయమవును ధర్మధీమతె,
యామినీ కమలి పద్మ వికాస సత్య బండ్ల!

భావము
జీవితం అనేది కేవలం పోటీ కాదు. ఎదుగుదల, స్వాభివృద్ధి, ధర్మపథం అనుసరించడం నిజమైన లక్ష్యం. ఇతరులను ఓడించడం కాదు, మనల్ని మనం మెరుగుపర్చుకోవడమే సార్థకత అని ఈ భావం చెబుతుంది.

పద్యము 35
కరుణ నేలరేగును అంతరంగ ఆత్మ ప్రేమలె,
ఆత్మలు కలిసిపోవును మనసుల ఏకత్వమె ,
మధురమై నిలుచును భయబాధల దాటి జీవితమె ,
యామినీ కమలి పద్మ వికాస సత్య బండ్ల!

భావము
ప్రేమ మనిషిని మారుస్తుంది, దాగి ఉన్న కరుణను వెలికి తీయుతుంది. రెండు మనసులు కలిసితే ఆత్మల ఏకత్వం ఏర్పడుతుంది. ఈ సమైక్యత భయాలను తొలగించి, జీవితం మాధుర్యంతో నిండేలా చేస్తుందని తాత్పర్యం.

పద్యము 36
ప్రేమ అనురాగమే పరమాత్మ ఆత్మ బంధము,
ఆత్మల కలయికే జీవిత అంతర్ మాధుర్యము,
మనసులు కలిసితే మానవతే సజ్జన వికాసము,
యామినీ కమలి పద్మ వికాస సత్య బండ్ల!

భావము
ప్రేమ అనేది కేవలం భావోద్వేగం కాదు, ఆత్మను మరో ఆత్మతో కలిపే పవిత్ర బంధం. మనసులు కలిసినప్పుడు జీవితం మధురమవుతుంది. ప్రేమలోనే మానవత్వం, శాంతి, జీవన సారాంశం నిండిపోయి ఉంటాయని భావం.

పద్యము 37
అశక్తి కాకూడదు మనసు ఆసక్తి మించినచొ,
మనసుని దోచును శక్తి మితిమీరిన దానితొ,
దారిని చూపును మనకు ధర్మమార్గముతొ,
యామినీ కమలి పద్మ వికాస సత్య బండ్ల!

భావము
ఏ విషయం పట్ల ఆసక్తి మంచిదే కానీ అది మితిమీరితే అశక్తి అవుతుంది. బలహీనతకు దారితీస్తుంది. నియంత్రణ, సమతౌల్యం, ధర్మబలం మనిషికి నిజమైన శక్తి అని ఈ పద్య భావము

పద్యము 38
బ్రతుకు పథమై నిలిపేను ప్రేమబంధము,
జీవన సారమై ఉంచేను ఆత్మసంధానము,
అవదా జగము మనసులు కలిసితే మధురము,
యామినీ కమలి పద్మ వికాస సత్య బండ్ల!

భావము
ప్రేమ అనేది కేవలం భావం కాదు, ఆత్మను మరో ఆత్మతో కలిపే పవిత్ర బంధం. మనసులు కలిసితే జీవితం మధురమవుతుంది. ప్రేమలోనే జీవన సారాంశం ఉందని ఈ పద్య భావము

పద్యము 39
తన తప్పు తానూ చూడని మనసు
ఇతరులపైనే వేస్తుంది నిందలు
గ్రహింపే మారితే గమ్యం మారును
యామినీ కమలి పద్మ వికాస సత్య బండ్ల!

భావము
తన తప్పును ఒప్పుకోలేని మనిషి ఎప్పటికీ ఎదగలేడు. తప్పు బయట కాదు, మనలో ఉందని గుర్తించిన రోజే మార్పు మొదలవుతుంది. స్వీయపరిశీలన ఉన్నవాడే నిజంగా బలమైనవాడు. తలపాటును వదిలినప్పుడే జీవితం సరైన దారిలో నడుస్తుంది.

పద్యము 40
మంచి మాట మణిపూస మిరుమిట్లు
మధుర వాక్యము మదిని మెరిపించున్
మనసున మెరుగు ముత్యాల దారమై
యామినీ కమలి పద్మ వికాస సత్య బండ్ల!

భావము
మంచి మాట మణిపూసల మిరుమిట్లలా మనసులో వెలుగులు నింపుతుంది. మధుర వాక్యం హృదయాన్ని మెరిపించి ఆనందాన్ని పంచుతుంది. అలా పలికిన మాటలు మనసులో ముత్యాల దారంలా మిగిలి, జీవితానికి సౌందర్యం, శాంతిని అందిస్తాయి.

"బండ్ల శతకం" పద్యాలు ఒక్కో పేజీలో పది పద్యాలు ప్రచురించబడు తున్నాయి. క్రింద వరుస క్రమంలో ఇతర పద్యాల థంబ్‌నైల్స్‌తో 4 బానర్లు అందుబాటులో ఉంచాను. థంబ్‌నైల్ పై క్లిక్ చేస్తే మీరు ఆపేజీలకు వెళతారు. ఈ పద్యాలు వరుసగా రికార్డ్ చేసి  Bandla Satakam " బండ్ల శతకం " యూట్యూబ్ ఛానల్‌లో కూడా ప్రచురించ బడతాయి. చదవడం లేదా వినడం అనేది పాఠకుడి సౌలభ్యానికే ప్రాధాన్యం.