Malayalam Lyrics తో ఆదిత్య హృదయం

തതോ യുദ്ധ പരിശ്രാംതം
സമരേ ചിംതയാ സ്ഥിതം |
രാവണം ചാഗ്രതോ ദൃഷ്ട്വാ
യുദ്ധായ സമുപസ്ഥിതമ് || 1

ദൈവതൈശ്ച സമാഗമ്യ
ദ്രഷ്ടു മഭ്യാഗതോ രണം |
ഉപാഗമ്യാ ബ്രവീദ്രാമം
അഗസ്ത്യോ ഭഗവാന് ഋഷിഃ || 2

രാമ രാമ മഹാബാഹോ
ശൃണു ഗുഹ്യം സനാതനം |
യേന സര്വാനരീന് വത്സ
സമരേ വിജയിഷ്യസി || 3

ആദിത്യ ഹൃദയം പുണ്യം
സര്വശത്രു വിനാശനം |
ജയാവഹം ജപേന്നിത്യം
അക്ഷയ്യം പരമം ശിവം || 4

സര്വമംഗള മാംഗള്യം
സര്വ പാപ പ്രണാശനം |
ചിംതാശോക പ്രശമനം
ആയുര്വര്ധന മുത്തമം || 5

രശ്മിമംതം സമുദ്യംതം
ദേവാസുര നമസ്കൃതം |
പൂജയസ്വ വിവസ്വംതം
ഭാസ്കരം ഭുവനേശ്വരം || 6

സര്വദേവാത്മകോ ഹ്യേഷഃ
തേജസ്വീ രശ്മി ഭാവനഃ |
ഏഷ ദേവാസുര ഗണാന്
ലോകാന് പാതിഗ ഭസ്തിഭിഃ || 7

ഏഷ ബ്രഹ്മാ ച വിഷ്ണുശ്ചഃ
ശിവഃ സ്കംദഃ പ്രജാപതിഃ |
മഹേംദ്രോ ധനദഃ കാലോ
യമഃ സോമോഹ്യ പാംപതിഃ || 8

പിതരോ വസവ സാധ്യാഃ
ഹ്യശ്വിനൗ മരുതോ മനുഃ |
വായുര്വഹ്നിഃ പ്രജാ പ്രാണഃ
ഋതുകര്താ പ്രഭാകരഃ || 9

ആദിത്യഃ സവിതാ സൂര്യഃ
ഖഗഃ പൂഷാഗ ഭസ്തിമാന് |
സുവര്ണ സദൃശോ ഭാനുഃ
സ്വര്ണരേതാ ദിവാകരഃ || 10

ഹരിദശ്വ സഹസ്രാര്ചിഃ
സപ്ത സപ്തിര്മരീചിമാന് |
തിമിരോന്മഥനഃ ശംഭുഃ
ത്വഷ്ടാ മാര്താംഡ അംശുമാന് || 11

ഹിരണ്യഗര്ഭഃ ശിശിരഃ
തപനോ ഭാസ്കരോ രവിഃ |
അഗ്നിഗര്ഭോ ദിതേഃ പുത്രഃ
ശംഖഃ ശിശിര നാശനഃ || 12

വ്യോമനാഥ സ്തമോഭേദീ
ഋഗ്യജുഃ സാമ പാരഗഃ |
ഘനവൃഷ്ടി രപാം മിത്രോ
വിംധ്യവീഥീ പ്ലവംഗമഃ || 13

ആതപീ മംഡലീ മൃത്യുഃ
പിംഗളഃ സര്വ താപനഃ |
കവിര്വിശ്വോ മഹാ തേജഃ
രക്തഃ സര്വഭവോദ്ഭവഃ || 14

നക്ഷത്ര ഗ്രഹ താരാണാമ്
അധിപോ വിശ്വ ഭാവനഃ |
തേജസാ മപി തേജസ്വീ
ദ്വാദശാത്മന് നമോസ്തുതേ || 15

നമഃ പൂര്വായ ഗിരയേ
പശ്ചിമാ യാദ്രയേ നമഃ |
ജ്യോതിര്ഗണാനാം പതയേ
ദിനാധിപതയേ നമഃ || 16

ജയായ ജയഭദ്രായ
ഹര്യശ്വായ നമോ നമഃ |
നമോ നമഃ സഹസ്രാംശോ
ആദിത്യായ നമോ നമഃ || 17

നമ ഉഗ്രായ വീരായ
സാരംഗായ നമോ നമഃ |
നമഃ പദ്മ പ്രബോധായ
മാര്താംഡായ നമോ നമഃ || 18

ബ്രഹ്മേശാ നാച്യുതേശായ
സൂര്യാ യാദിത്യ വര്ചസേ |
ഭാസ്വതേ സര്വ ഭക്ഷായ
രൗദ്രായ വപുഷേ നമഃ || 19

തമോഘ്നായ ഹിമഘ്നായ
ശത്രുഘ്നായാ മിതാത്മനേ |
കൃതഘ്നഘ്നായ ദേവായ
ജ്യോതിഷാം പതയേ നമഃ || 20

തപ്ത ചാമീക രാഭായ
വഹ്നയേ വിശ്വ കര്മണേ |
നമസ്തമോഭി നിഘ്നായ
രവയേ ലോകസാക്ഷിണേ || 21

നാശയത്യേഷ വൈഭൂതം
തദേവ സൃജതി പ്രഭുഃ |
പായത്യേഷ തപത്യേഷ
വര്ഷത്യേഷ ഗഭസ്തിഭിഃ || 22

ഏഷ സുപ്തേഷു ജാഗര്തി
ഭൂതേഷു പരിനിഷ്ഠിതഃ |
ഏഷ ഏവാഗ്നിഹോത്രം ച
ഫലം ചൈവാഗ്നി ഹോത്രിണാം || 23

വേദാശ്ച ക്രതവശ്ചൈവ
ക്രതൂനാം ഫലമേവ ച |
യാനി കൃത്യാനി ലോകേഷു
സര്വ ഏഷ രവിഃ പ്രഭുഃ || 24

ഏന മാപത്സു കൃച്ചേഷു
കാംതാരേഷു ഭയേഷു ച |
കീര്തയന് പുരുഷഃ കശ്ചിത്
നാവശീദതി രാഘവ || 25

പൂജയസ്വൈന മേകാഗ്രോ
ദേവ ദേവം ജഗത്പതിം |
ഏതത് ത്രിഗുണിതം ജപ്ത്വാ
യുദ്ധേഷു വിജയിഷ്യസി || 26

അസ്മിന് ക്ഷണേ മഹാ ബാഹോ
രാവണം ത്വം വധിഷ്യസി |
ഏവമുക്ത്വാ തദാഗസ്ത്യോ
ജഗാമ ച യഥാഗതം || 27

ഏതച്ഛ്രുത്വാ മഹാതേജാ
നഷ്ടശോകോ ഭവത് തദാ |
ധാരയാ മാസ സുപ്രീതോ
രാഘവഃ പ്രയതാത്മവാന് || 28

ആദിത്യം പ്രേക്ഷ്യ ജപ്ത്വാ തു
പരം ഹര്ഷമവാപ്തവാന് |
ത്രിരാചമ്യ ശുചിര്ഭൂത്വാ
ധനുരാദായ വീര്യവാന് || 29

രാവണം പ്രേക്ഷ്യ ഹൃഷ്ടാത്മാ
യുദ്ധായ സമുപാഗമത് |
സര്വയത്നേന മഹതാ
വധേ തസ്യ ധൃതോ ഭവത് || 30

അധരവിരവദന്നീരീക്ഷ്യ രാമം
മുദിതമനാഃ പരമം പ്രഹൃഷ്യമാണഃ |
നിശിചരപതി സംക്ഷയം വിദിത്വാ
സുരഗണ മധ്യഗതോ വചസ്ത്വരേതി || 31