డాక్టర్ తాతా సేవ కుమార్

వైద్యం ఎవరికీ కారాదు ఆర్థిక భారం

రచయిత, జర్నలిస్ట్, పత్రికా సంపాదకులు, రాజకీయాలలో సయితం ప్రవేశించిన వైద్యులు డాక్టర్ తాతా సేవ కుమార్ 1996 సంవత్సరం లో గుంటూరు కేంద్రంగా సర్వీస్ హెల్త్ ఆర్గనైజేషన్ (S.H.O.) సంస్థను ప్రారంభించి ప్రజారోగ్య చైతన్య సభలు, ఉచిత వైద్య శిబిరాలు నిర్వహిస్తూ ఆరోగ్యానికి హానికరమైన న ధూమపానం, మద్యపానం, మాదకద్రవ్యాలు, గుట్కా వంటి దురలవాట్లకు వ్యతిరేకంగా రాజీ పడని పోరాటం చేస్తూ, సామాన్య మధ్యతరగతి ప్రజల ఆర్థిక పరిస్థితులను ప్రత్యక్షంగా చవిచూసిన అనుభవంతో వైద్యం ఎవరికీ కారాదు ఆర్థిక భారం అనే నినాదంతో అతి తక్కువ ఖర్చు కే సాధారణ పరీక్షలు మందులు ఉచిత వైద్య సలహాలు, సేవలు అందిస్తూ తల్లితండ్రులు పెట్టిన పేరును సార్ధకత చేస్తున్నారు డాక్టర్ తాత సేవ కుమార్.

పత్రికా రంగ ప్రవేశం

విద్యార్ధి దశలొనే అనేక సేవా కార్యక్రమాలలో చురుకుగా పాల్గొన్నారు. ఇరువది సంవత్సరాల వయస్సులోనే పత్రికా రంగ ప్రవేశం చేశారు. ఇప్పటి వరకు వైద్య ఆరోగ్య సామాజిక రాజకీయ వ్యాసాలను 2500 పైగా వ్రాశారు. అవి వివిధ తెలుగు దిన వార పక్ష మాస పత్రికలలో ప్రచురితమయ్యాయి.

యూట్యూబ్ ఛానల్

S.H.O. కార్యాలయం మొదటి అంతస్తులో అత్యంత సాంకేతిక విలువలతో స్టుడియో నిర్మించుకొని SHOAP TV అను పేరుతో యూట్యూబ్ ఛానల్ ప్రారంభించారు. ప్రసిద్దులుగా పేరు గడించిన వారితో పాటు, అదేవిధంగా వివిధ రంగాలలోకి ప్రవేశించాలనుకునే ఔత్సాహికులకు స్వాగతం పలుకుతూ, తమ తమ ప్రతిభలను SHOAP TV ద్వారా బహిర్గతం చేయండని డాక్టర్ తాత సేవ కుమార్ కోరుతున్నారు.

తల్లితండ్రులు

శ్రీమతి కనకదుర్గ గారు శ్రీ తాతా నాగేంద్ర రావు గారు జననం : 1968 వ సంవత్సరం జూలై 2 వ తేదీ

విద్యాభ్యాసం

పశ్చిమ గోదావరి జిల్లా, చింతలపూడి మండలం ఆముదాలచిలక, మల్లాయిగూడెం చింతలపూడి ప్రభుత్వ జూనియర్ కళాశాల లోను, గుంటూరు జిల్లా, బాపట్ల ఆర్ట్స్ & కళాశాలలోను, గుంటూరు వైద్య కళాశాలనుండి యం.బి.,బి.ఎస్., చేశారు.

అవార్డులు, రివార్డులు

స్వచ్చంద సేవలను గుర్తించిన రాష్ట్ర ప్రభుత్వం 1996-97 వ సంవత్సరపు "జిల్లా యూత్ " అవార్డ్ తో సత్కారం.

వివిధ సభ్యత్వాలు

గుంటూరు ప్రభుత్వ ఆసుపత్రి డెవలప్‍మెంట్ సొసైటీ సభ్యునిగా ఆరేళ్ళ అనుభవం, బాపట్ల ఎడ్యుకేషన్ సొసటీ పాలక వర్గంలో, ఇండియన్ మెడికల్ అసోసియేషన్ నేషనల్ కౌన్సిల్ లో సభ్యత్వం

" హెల్త్ హెల్ప్" మాస పత్రిక

2002 వ సంవత్సరం జనవరిలో " హెల్త్ హెల్ప్" వైద్య, ఆరోగ్య, సామాజిక, విద్యా, విజ్ఞాన కుటుంబ మాస పత్రిక ప్రారంభం. అతి తక్కువ కాలం లోనే అత్యంత ప్రజాధరణ పొందడం సంపాదకత్వ దక్షతకు ప్రామాణికం.

అభినందనీయులు

వైద్యం, విద్య, పౌష్టిక ఆహారం సమాజంలో ఎవ్వరికీ ఆర్ధిక భారం కారాదనే లక్ష సాధన కోసం... నిరంతర ప్రజా చైతన్య కార్యక్రమాలు - అవినీతి రహిత సమాజ నిర్మాణం కోసం నిర్విరామ పోరాటం చేస్తూ... అందుకు జీవితం అంకితం చేసిన శ్రీ డాక్టర్ తాతా సేవ కుమార్ అభినందనీయులు

బయోగ్రఫీ వివరాల కొరకు ఈ క్రింది మిత్రుల ముఖ చిత్రాల బానర్స్ పై క్లిక్ చేసి, సంబదిత బయోగ్రఫీ లను చదవ వలసినదిగా కోరుచున్నాను. బయోగ్రపీ సంబందించిన మాటర్ ను నేను వీడియో రూపంలో కూడా రికార్డ్ చేసి యూట్యూబ్ బండ్ల ఛానల్ లో అప్‍లోడ్ చేసిన వీడియోను ప్రతి బయోగ్రఫీ పేజీలో పబ్లిష్ చేస్తున్నాము. www.bandla.app పాఠకులకు బయోగ్రఫీలను చదవడానికి, వీక్షించటానికి లేదా వినడానికి ఏది సౌలభ్యంగా ఉంటే అది ఫాలో కావటానికి రికార్డ్ చేసిన బయోగ్రఫీ మాటర్ వీడియో ను ప్రతి బయోగ్రఫీ పేజీలో జత చేస్తున్నాము.